Samoan |
|
|
Fa'afetaua'iga ina ia talafeagai
Fa'afefea ona matou fesoasoani atu
O fa'afetaua'iga ina ia talafeagai, e taula'i atu lea ina ia maua se nofoaga o maketi e talafeagai ma saogalemu mo le 'au fa'atau ma pisinisi i Kuiniselani. E mafai ona tu'uina mai e Fefa'ataua'iga ina ia talafeagai, ni fa'amatalaga fesoasoani ma fautuaga e uiga i au aia tatau ma ou tiute fai - o oe o se tagata fa'atau pe o se pisinisi o galuea'ina i totonu o Kuiniselani.
Silasila i le fa'auluuluga 'Fa'afeso'ota'i mai matou'. o i le fa'ai'uga o lenei pepa, ina ia silafia ai le auala e mafai ai ona fa'afeso'ota'ia mai ia auaunaga a Fa'amatala Upu; latou te fa'amalamalama atili ia te oe, fa'atatau i Fefa'ataua'iga ina ia talafeagai.
Oloa faatau mai ma auaunaga
O tulafono mo Fefa'ataua'iga ina ia talafeagai, ua fa'atulagaina ai au aia tatau ma ou tiute fai. Pe a fa'atau mai ni au oloa ma auaunaga, aofia ai ma au aia tatau i tupe toe maua pe a toe fa'afo'i atu ni oloa.
Fo'iaina o faitioga a tagata fa'atau
E mafai ona matou tula'i i le va o tagata fa'atau ma ni pisinisi ina ia fo'ia faitioga, e ui lava matou te fautuaina ina ia iloiloina muamua le fa'afitauli ma le pisinisi.
Fuafuaga taufa'a fa'avalea
Matou te logoina atu pea outou e uiga i tulaga taufa'avalea lata mai, ma fa'amalosia ripoti e uiga i fuafuaga taufa'avalea ina ia matou lapata'ia ai isi. Manatua, afai e faigata ona e talitonu ona o le lelei tele o se ofo ua tu'uina atu e le tau masalomia lava, o se taufa'avalea lava lea.
Siaki mo aitalafu ae le'i fa'atauina mai ta'avale, va'a po o kalaveni ua uma ona fa'aaogaina (second-hand)
Fa'aaoga la matou Resitala, o auaunaga a Ta'avale o iai ni tulaga o lavelavea ai (REVS) ae le'i fa'atauina se ta'avale pe o se va'a ua uma ona fa'aogaina. Mo le i lalo ifo o le Luasefulu Tala ($20.00) e mafai ona siakiina e le REVS ma logoina oe, pe o iai pea se aitalafu tupe i sea ta'avale pe o se va'a. Afai e te fa'atau mai e aunoa ma le siakiina, e ono toe faoa sea ta'avale po o sea va'a.
Fa'atau mai pe o le fa'atau atu o lou fale
Maua atu mai ia matou fautuaga ma fa'amatalaga mo le 'au fa'atau ina ia e silafia au aia tatau ma ou tiute fai pe a fa'atau mai pe fa'atau atu se fale. O se tasi lenei o fa'atauga pito i sili ona tele o le soifuaga.
Faafitauli i mea tau tupe ma fa'a'unega tupe
E mafai ona matou tuuina atu faamatalaga ma fautuaga i le faaaogaina ma le poto o fa'aunega tupe. E mafai fo'i ona matou faasino oe i auaunaga e fautuaina ai oe pe a tula'i mai ni ou faafitauli i tulaga tau tupe.
Resitala o le igoa o lau pisinisi
E ao lava ona resitalaina le igoa o lau pisinisi ma matou pe afai o lo'o e faaogaina se isi igoa e ese mai i lou suafa i au fefa'ataua'iga.
Laisene mo galuega
Afai e te fia galue i se tasi o galuega o ta'ua i lalo, e tatau lava ona laiseneina oe ia matou.
- o e galulue i fale fa'atau
- o e galulue i ta'avale fa'atau
- o e ao 'aitalafu
- o e galulue mo le malu saogalemu (security)
- o e fa'atau atu oloa ua uma ona fa'aaogaina (second hand) ma le fesuia'iga o tupe avatu ae fa'amau i oloa ua aumai (pawnbrokers)
- o e galulue i ofisa o femalaga'ina
- o e pulea fale e mautotogi ai
- o e galulue i le fefa'afeiloa'ina o tagata
Asosi ma mafutaga tu'ufa'atasia
O le tu'u fa'atasiaina o lau asosi, e maua ai e o outou sui ia se puipuiga fa'a-le tulafono e ala i le fausia o se tulaga patino fa'a-le tulafono mo lau lava fa'alapotopotoga. I le tulaga lea, e puipuia ai sui ta'itasi mai i le moliana ona o ni galuega a le asosi. O se mea e ono tatau ai fo'i pe afai e te fia talosagaina se fesoasoani tau tupe mai i le malo.
Fesoasoani mo e puapuagatia
Afai tou te su'e tupe ona o se fuafuaga mo e puapuagatia, e tatau ona outou resitala ia matou. O le auala lenei e fesoasoani ina ia puipuia ai tagata lautele mai i 'au ao tupe tau fa'avalea.
Oloa saogalemu
O 'au fa'atau'oloa uma e ao ina mautinoa. o oloa uma o lo'o fa'atauina atu, e o gatasi ma tulafono o le saogalemu o oloa fa'atau atu.Matou te su'esu'eina fo'i faitioga fa'atatau i oloa e le o saogalemu, ma fa'amalosia tulaga saogalemu e ala i se vala'au e toe fa'afo'iina mai ai oloa(recalls) pe o le fa'asaina fo'i o oloa(bans).
O fua ma mamafa
Afai e te fa'aaogaina fua e iloa ai le mamafa, masini e ta'u mai tau ma mamafa o oloa, po o nisi lava mea faigaluega e iloa ai le mamafa, e tatau lava ona ia e mautinoaina o lo'o sa'o lelei. Matou te fa'atinoina le siakiina o pisinisi i so'o se taimi ma su'esu'eina faitioga a le 'au fa'atau.
Fa'afeso'otai mai matou
Fa'aliliu upu i le telefoni
Vala'au le numera 131 450 e te talanoa ai i se fa'aliliu upu mai le auaunaga a 'Faamatala upu ma Fa'aliliu Upu a le malo', e fesosoani mo oe i galuega a Fefa'ataua'iga e talafeagai ai i luga o le telefoni. O lenei auaunaga e maua fua mo le tau o se telefoni i lo outou lava fa'aitu.
Fa'aliliu Upu Fa'afesaga'i
E mafai fo'i e le auaunaga a 'Fa'amatala upu ma Fa'aliliu upu a le malo' ona faia le fa'aliliuina o upu a o fa'afesaga'i pe a mana'omia e te asiasi i se ofisa Fefa'ataua'iga e talafeagai. Telefoni 131 450 mo talanoaina o ni auaunaga o e mana'omia.
Last reviewed 06/11/2009 |
 |  |  |
Other languages